牛池灣文娛中心｜古典音樂 ｘ 喜劇 「冬日開懷集」系列：盞鬼劇團《詼諧曲》(荷蘭)

活動簡介

邊個話古典音樂一定要「靜靜哋」欣賞 ，嚟自「風車國」 a.k.a. 荷蘭嘅盞鬼劇團就顛覆呢個傳統，將古典音樂之夜秒變成荒誕搞笑的狂歡盛宴 ！
荷蘭盞鬼劇團曾到英國、德國、比利時、法國、丹麥、紐西蘭等多個國家作巡迴演出 ，五位鬼才音樂家集卓越音樂才華、調皮搞笑及「音」式幽默感於一身，將會用你諗都諗唔到嘅樂器 ，戴住假髮邊演奏邊演出狂歡鬧劇 ，你又點會估到「貝多芬」大理石半身像突然「鹹魚翻生」，仲識向其他雕像挑戰唱山歌 ！
呢場「音」式鬧劇就如差利卓別靈碰上柴可夫斯基、格魯喬．馬克斯演繹莫扎特，保證過癮 ，搞鬼音樂定必令大、小朋友「笑穴」即時開啟  ，入得場就隨時要接受「斷氣式」笑點，離場時個個笑到有腹肌！
想同小朋友寓「狂歡」於欣賞古典 ，就要即刻去撲飛喇 ！